Повреден планинар на Пелистер: Со скршеници спасен од тешко пристапен терен

Денес на 16.08.2026 околу 12:00 часот после добиен повик за повредено лице во рамки на НП Пелистер во близина на Мало езеро, во соработка со ЦУК, ДСЗ, екипи на НП Пелистер и итната медицинска помош беше започната спасувачка акција, соопштија од НП Пелистер.

Лицето беше навремено лоцирано и од страна на екипите на ДЗС после констатирани тешки телесни повреди во делот на потколеница на левата нога, му беше укажана прва помош.

Екипата на НП Пелистер заедно со лекар од итната медицинска помош го обезбедуваа транспортот на повреденото лице од локација на Мало езеро до локација на Инфоцентар.

Лицето е успешно евакуирано и веќе е спроведено до Клиничка болница Битола.