Како младите полесно да стигнат до вработување - поддршка од Career Transition Support Macedonia

Со поддршка на КРЕДО Центарот на УКЛО студентите и оваа година имаат можност да бидат дел од програмата Career Transition Support Macedonia, која се имплементира од WUS Germany, со финансиска поддршка од Владата на германската сојузна покраина Северна Рајна-Вестфалија.

Програмата е насочена кон подобрување на вештините и компетенциите на младите за полесен премин од образование кон вработување, преку: развој на професионални компетенции, подобра подготвеност за пазарот на труд и можност за платена практикантска работа во времетраење од 3 до 6 месеци, со месечен надомест од 250 евра.

Успешната реализација на претходните циклуси потврдува дека оваа програма претставува одлична можност за стекнување практично искуство, градење професионална мрежа и полесен почеток на кариерата, велат од универзитетот од каде додаваат дека КРЕДО Центарот продолжува да ги поддржува младите во развојот на нивните знаења, вештини и можности за успешно вработување.