Двајца пожарникари повредени при гаснењето на пожарите на Пелистер, два ер трактори ќе се приклучат на терен

После пеколната ноќ на терен во која дејствуваа екипите на НП Пелистер, ППТЕ Битола, ДПД Архангел и механизацијата на Јавните претпријатија од Битола пожарот е целосно локализиран, соопштија предмалку од Националниот парк Пелистер.

Сепак, велат дека опасноста за негово понатамошно активирање и ширење и понатаму е голема и во голема мера зависи од временските услови.

Во текот на ноќта повредени се двајца припадници на единиците кои дејствуваа на терен и нивната здравствена состојба е стабилна.

Единиците продолжуваат да дејствуваат на терен со поддршка на армиски хелихоптер. Подоцна се очекува да пристигнат од ДПД Кочани и двата ЕР трактори.