Девет пожари активни низ Македонија - гори и во Пелагонија

Вкупно 13 пожари на отворен простор низ државата се регистрирани денеска до 13 часот. Од нив, девет се сè уште активни, два се под контрола, а останатите два се изгаснати, соопштија попладнево од Центарот за управување со кризи.

Ниска вегетација гори во општините Велес, Прилеп, Струга, Новаци, Македонски Брод, Могила.

Ниска вегетација и багреми горат во регионот на село Муждивњак, општина Крива Паланка.

Ниска вегетација и викендица се опожарени на магистрален пат Прилеп - Битола.

Пожарите на градската депонија во општина Делчево и во регионот на кичевското село Манастирско Доленци, каде опожарена е нискостеблеста деградирана шума, се под контрола.

Изгаснатите пожари биле на територија на општините Босилово и Јегуновце. Во село Старо Балдовци гореле ниска вегетација и шамак, додека на подрачјето на село Копанце - шума, ниска вегетација.