Одбележан празникот Крстовден во манастирот „Св. Ѓорѓи“ во Паралово

Во присуство на голем број верници од Општина Новаци и соседните населени места, денеска свечено и достоинствено беше одбележан празникот Крстовден пред светиот крст кај манастирот „Св. Ѓорѓи“ во селото Паралово.

На одбележувањето присуствуваше и градоначалникот на Општина Новаци, Стевче Стевановски, кој заедно со присутните граѓани се приклучи кон зачувувањето на духовната сила и вековната народна традиција.

„На Крстовден, пред светиот крст кај манастирот Св. Ѓорѓи во Паралово, со вера, гордост и благодарност ја чуваме нашата духовна сила и вековна традиција. Нека крстот ни биде патеказ за заедница, мир и просперитет“, истакна градоначалникот Стевановски.

Верниците преку молитва и заедничко дружење уште еднаш ја потврдија важноста на негувањето на верските обичаи и културното наследство во овој крај.