Прилеп добива нов културен бренд: Прво издание на Меѓународниот фолклорен фестивал „Итар Пејо“

Прилеп викендов ќе биде домаќин на ново културно случување кое го обединува фолклорот, сатирата, народната мудрост и препознатливиот прилепски дух. На 14 и 15 август ќе се одржи првото издание на Меѓународниот фолклорен фестивал „Итар Пејо“, во организација на КУД „Мирче Ацев“ – Прилеп.

Иницијативата инспирирана од најпознатиот македонски шегобиец има за цел да негува и претставува традиционалната музика и игри, овозможувајќи културна размена меѓу учесниците. Манифестацијата се одржува под покровителство на Општина Прилеп и НУЦК „Марко Цепенков“, со поддршка од повеќе локални компании.

Официјална програма за фестивалот

14 август (петок) – Почеток во 19:00 часот (пред споменикот на Итар Пејо):

Прошетка низ Прилеп и детска работилница на Могилата на непобедените

Свечено дефиле на сите учесници

Прв фестивалски настап на платото кај споменикот на Итар Пејо

15 август (сабота) – Почеток во 19:00 часот (во НУЦК „Марко Цепенков“):

Креативна работилница

Главна фестивалска вечер

Забава на летната сцена при НУЦК „Марко Цепенков“

Влезниците за втората фестивалска вечер се продаваат по цена од 100 денари и можат да се набават секој работен ден од 10:00 до 12:00 часот на билетарата во Центарот за култура „Марко Цепенков“.