Градежни активности во битолската золошка градина - реконструкција и проширување на постојните живеалишта

Зоолошката градина во Битола започна нов обемна проект за развој и реструктуирање, чија цел е значително подобрување на условите за престој на животните, како и подобрување на целокупното искуство на посетителите.

Во текот на изминатите денови на терен интензивно се одвиваат градежни активности. Проектот опфаќа реконструкција и проширување на постојните живеалишта со цел нивно усогласување со современите меѓународни стандарди за хуман третман и благосостојба на животните.

Покрај подобрувањето на условите за животинскиот свет, планирани се и бројни инфраструктурни измени за подобрување на престојот на посетителите. Проширувањето на живеалиштата е предвидено преку изградба на нови и модернизација на постојните загради, со повеќе простор и природни елементи за животните.

Се планираат и нови патеки и подобрена пристапност, односно изградба на нови пешачки патеки и уредување на пристапните зони за полесно движење на сите генерации, вклучително и семејства со мали деца и лица со инвалидитет.

Дел од проектот е и хоортикултурното уредување, што вклучува озеленување на просторот и одржување на рекреативните зони.

Од раководството на Зоолошката градина истакнуваат дека овие инвестиции се дел од долгорочната стратегија за трансформација на градината во современ едукативен и рекреативен центар.

Посетителите се замолуваат за трпение и разбирање за време на траењето на градежните активности, со оглед на тоа што одделни зони повремено ќе бидат делумно ограничени за пристап, порачаа од битолската золошка градина.