Оперативниот план за вработување 2026 промовиран во Ресен

Денес во Општина Ресен се одржа Инфо караванот за промоција на Оперативниот план за вработување 2026, преку кој на граѓаните им беа презентирани можностите за финансиска поддршка при започнување сопствен бизнис.

Заедно со заменик-директорот на Агенцијата за вработување на Република Македонија, Весна Пашова, и Заменик Министерот за Економија и труд Марјан Ристески ги претставивме мерките од Оперативниот план, со посебен акцент на програмата за самовработување, која нуди значајна финансиска поддршка за сите што имаат претприемачка идеја и желба да создадат сопствен бизнис.

Преку оваа мерка се обезбедува:

До 7.000 евра грант за лица над 29 години за отворање сопствен бизнис;

До 10.000 евра грант за млади лица до 29 години;

Од 14.000 до 20.000 евра поддршка за самовработување преку здружување на две лица во ДОО.

Огласот за оние кои сакаат да аплицираат е отворен до 3 јули. See less