Заедништво и соживот - Црква и џамија во Трново и Магарево добиваат уредени дворови

Вработените во ЈУ Национален парк „Пелистер“, во соработка со локалното население од подпелистерските села Трново и Магарево, извршија уредување на дворовите на црквата „Пресвета Богородица“, основното училиште и џамијата во Трново, како и на манастирот „Св. Ѓорѓи“ во Магарево, каде се поставени нови клупи и места за одмор.

ЗАЕДНИШТВО И СОЖИВОТ НА ДЕЛО – Во подпелистерските села Трново и Магарево истовремено ги уредувавме дворовите и на црквите и на џамијата, соопштија од Националниот парк Пелистер Вработените во ЈУ Национален парк Пелистер во соработка со локалното население на 03.07.2026(петок) работеа на уредување на дворот на црквата Пресвета Богородица, основното чилиште и џамијата во Трново и манастирот Св.Ѓорѓи во Магарево.

Станува збор за места кои се дел од богатото културно – историско наследство на регионот, знајни црковни споменици и места каде најчести посетители се жителите на поширокиот регион на Битола.

ЈУ Национален парк Пелистер континуирано работи на подобрување на соработката со локалното население и секогаш сме благодарни за поддршката од локалците во насока на зачувување на ова наше големо и непроценливо природно богатство.

Пелистер е нашиот симбол на обединување, велат од Националниот парк Пелистер.