Со коњи на 1.920 метри височина транспорт на градежен материјал: Како се гради на Пелистер таму каде што машините не можат да искачат

Продолжува уредувањето на Св.Спас(1920мнв) над Маловишта, соопшти Националниот парк Пелистер пренесувајќи ја работната атмосфера во текот на викендот.

„Иако недела за вработените од НП Пелистер и локалното население работниот дел од денот вчера започна во 05:00 часот наутро. Транспортот на градежни материјали со коњи и движењето на стрмен терен по планинска патека со сиот потребен алат беа само почеток на активностите кои беа предвидени за викендот позади нас.“-велат од Националниот парк Пелистер.

„Завршена беше втората фаза на уредување, ќе следи уште една, трета фаза и предвидениот монтажен објект ќе биди во целосна функција. Вработените од ЈУ НП Пелистер заедно со локалното население низ една активна соработка реализираат низа на активности со цел подобрување на инфраструктурата во рамки на паркот. Инфраструктурата од овој тип подеднакво е важна за сите посетители, но и за активности поврзани со она што е примарна дејност на НП Пелистер во делот на заштита на природа и мониторинг на видови. Не постои простор каде можи да се употреби зборот лесно кога станува збор за работни активности на планина, но на крај љубовта кон "Пелистер" и Битола е најсилниот мотиватор да се совладаат сите предизвици за успешна реализација на зацртаните цели.“-велат од Националниот парк, потсетувајќи: Зачувувањето на природната вредност на НП Пелистер е обврска на сите нас.

Целата фото и видео галерија погледнете ја на нашата Фејсбук страница и заследете не: https://www.facebook.com/evo.mk.news