Техничкиот факултет во Битола организира подготвителна настава по математика за новите студенти

Техничкиот факултет – Битола (ТФБ) упати покана до сите новозапишани студенти во прва година за учество во организираната подготвителна настава по Математика, која ќе се одржи непосредно пред официјалниот почеток на новата академска година.

Подготвителните часови ќе се реализираат во периодот од 21 до 25 септември 2026 година, во амфитеатрите и просториите на Техничкиот факултет во Битола.

Целта на оваа иницијатива е да им се овозможи на бруцошите полесен премин од средношколското во високото образование, повторување и утврдување на основните математички концепти, како и подобро да се подготват за совладување на материјалот од техничките предмети во првиот семестар.