Училишна приказна ги собра првачињата од Битола на голема забава во градскиот парк за успешен старт на учебната година

Голема првоодделенска забава денеска беше организирана во градскиот парк во Битола. Втора година по ред Битола е домаќин на „Училишната приказна“ каде Општина Битола и поддржувачите на настанот им посакаа успешна година на првоодделенците од Општина Битола.

Возење со „Мечо“, дружење со ЗАГИ, училишни точки, подароци, беа дел од содржините организирани за оние кои зачекорија во светот на учењето и знаењето.

Знаењето е клуч кој ги отвара големите врати, им порачаа од локалната самуправа на првачињата посакувајќи им успешна година.