Украинка прегазила битолчанец со кола, хоспитализиран е со тешки телесни повреди во Клиничата болница во Битола

Педесет и петгодишен жител на Битола се здобил со тешки телесни повреди откако бил удрен од патнички автомобил на крстосница во градот.

Од Министерството за внатрешни работи информираат дека несреќата се случила на 29 јули околу 15:37 часот на крстосницата меѓу улиците „Филип Втори Македонски“, „Јане Сандански“ и булеварот „1 Мај“.Според полицијата, патничко возило „Киа“ со холандски регистарски ознаки, управувано од 39-годишната У.М., државјанка на Украина со привремен престој во Битола, удрило во пешакот Д.В. (55) од Битола.

Во несреќата пешакот се здобил со тешки телесни повреди, кои биле констатирани во Клиничката болница во Битола.

Увид на местото на настанот извршила увидна екипа на СВР Битола, а се преземаат мерки за целосно расчистување на случајот.