Најдобра чкембе чорба подготви тимот на мото клубот Конзули - Успешно заврши првиот Чкембе Фест во срцето на Битола

Битола три дена беше домаќин на нов и автентичен градски настан кој привлече голем број посетители, исполнувајќи ги улиците со позитивна енергија, добра традиционална музика и препознатливи деликатеси.

Првотото издание на фестивалот заврши денеска откако претходеше гала вечера и свечено доделување на наградите за најдобрите кулинарски мајстори. Со ова е заокружено првото издание на гастрономската манифестација „Чкембе Фест 2026“.

Прогласени најдобрите во повеќе натпреварувачки категории

Натпреварувачкиот дел од фестивалот донесе силна конкуренција меѓу домашните и меѓународните угостители и ентузијасти. Жирито ги прогласи најдобрите во следниве категории:

1. Најдобра чкембе чорба

1. место: Тим од мото клубот „Конзули“ – Битола (Сузана Јовановска, Даниела Талевска и Виолета Арминовска)

2. место: Тим на хотел „Молика“ (Тодорче Митев и Јован Талевски)

3. место: Тим на „Џони мезалок“ – Куманово (Ѕвонко Јоцевски и Хермина Манева)

2. Мезалоци од чкембе

1. место: Ресторан „Корзо“ – Прв тим (Дијана Петанчевска и Лаура Сефедин)

2. место: „Џони мезалок“ – Куманово (Ѕвонко Јоцевски и Хермина Манева)

3. место: Ресторан „Корзо“ – Втор тим (Татјана Тасевска и Златко Ацевски)

3. Специјалитети од чкембе

1. место: Златко Ацевски и Татјана Тасевска

2. место: Дијана Петанчевска и Лаура Сефедин (Ресторан „Корзо“ – Битола)

3. место: Исмаил Кавасоглу (Измир, Турција)

Гран при освои тимот на ресторан “Корзо“ од Битола.

Традиција со иднина

Организаторите изразија благодарност до сите посетители, кулинарски мајстори, музички изведувачи, спонзори и технички тимови кои придонесоа за беспрекорна организација и безбедност на фестивалот.

„Првото издание постави цврсти темели и докажа дека Битола знае да домаќинствува, да ја негува традицијата и да создава нови убави спомени. Ова е само почеток – се гледаме следната година!“, порачаа организаторите.