Во Новаци се инвестираат 1,2 милиони евра во изградба на индустриска зона и улици

Во Новаци инвестираме 1,2 милиони евра во изградба на индустриска зона и улици, а веќе се градaт и првите две фабрики, соопшти вицепремиерот Николоски.

Индустриска зона со нови фабрики, реконструкција и изградба на улици и дополнителни капитални проекти се дел од инвестицискиот циклус вреден околу 1,2 милиони евра што моментално се реализира во општина Новаци.

Ова треба да претставува нова индустриска зона не само за Новаци, туку и за општините кои што гравитираат околу Новаци, и првите две фабрики од лесната незагадувачка индустрија веќе се градат.

Паралелно, преку проект што се реализира со поддршка на Светска банка, во општината се инвестираат дополнителни 520.000 евра за рехабилитација и изградба на улици, а до крајот на годината Владата ќе поддржи нови проекти подготвени од локалната самоуправа, вели тој.