Младинските идеи во фокусот: Во Прилеп се одржа првиот настан за младинско претприемништво и бизнис-пичинг

Средношколците од Прилеп деновиве ги претставија своите иновативни бизнис-идеи пред претставници на бизнис-секторот, професори и ментори на првиот настан за младинско претприемништво и бизнис-пичинг што се одржа во Прилеп.

На настанот, организиран во соработка со здружението „GenVibe“, учесниците имаа можност директно да ги презентираат своите замисли и да воспостават драгоцени контакти со искусни претприемачи кои можат да им помогнат во понатамошниот развој и реализација на нивните проекти.

Во рамки на настанот присуствуваше и претседателот на Стопанската комора на Македонија, Бранко Азески, како и претставници од Регионалната стопанска комора – Прилеп и локалната бизнис-заедница, кои преку свои насоки и искуства му дадоа поддршка на младиот кадар.

„Младите се најголемиот потенцијал на Прилеп. Наша цел како локална самоуправа е да создадеме услови тие својата иднина да ја гледаат тука, да создаваат свои бизниси и да отвораат нови работни места, со што директно ќе го намалиме трендот на иселување“, истакна Проданоски.

Од Општина Прилеп изразија благодарност до сите соработници и организатори, порачувајќи дека и во иднина продолжуваат со поддршка на вакви иницијативи за поттикнување на претприемачкиот дух кај младите.