Ќе се проверуваат водомерите во Битола – „Водовод“ започнува теренска акција за проверка и ажурирање на податоците

ЈКП „Водовод“ – Битола започнува теренска акција за проверка и ажурирање на податоците во повеќе населени места

Јавното комунално претпријатие „Водовод“ од Битола започнува организирана теренска акција за проверка и ажурирање на податоците за своите корисници, со цел подобрување на евиденцијата и осигурување на квалитетот на водоводните приклучоци и водомерите. Во првата фаза од оваа акција, теренските екипи на претпријатието ќе работат во следните три региони: Долно Оризари, Буковски Ливади и во Старата Битолска Чаршија.

Од ЈКП „Водовод“ упатија апел до сите граѓани кои живеат или располагаат со објекти во овие подрачја да овозможат слободен и безбеден пристап на екипите до водомерите. Исто така, при посетата, доколку е потребно, корисниците ќе треба да бидат достапни за проверка и усогласување на нивните лични податоци во системот.

Проверките во следниот период етапно ќе се прошират и во сите останати делови од градот и околината, за што граѓаните ќе бидат дополнително и навремено известени.

Од претпријатието се заблагодаруваат за разбирањето и соработката, истакнувајќи дека оваа иницијатива е чекор напред кон посигурно и поефикасно водоснабдување за сите жители на Битола.