Колку долго може да се седи со едно кафе? - Втор „Филџан маратонот“ во Битола

По минатогодишниот успешен проект, угостителскиот објект „БАР Општина“ во соработка со „Бабам Битола“ го најавија второто издание на единствениот „Филџан маратон“, настан со кој на хумористичен начин се слави познатата битолска традиција на долгото пиење кафе.

Предзвикот за сите учесници е едноставен, но бара сериозна издржливост: колку долго може да се остане во кафуле со само едно нарачано кафе, без станување од масата.

Настанот ќе се одржи на 16 август (недела), со почеток во 10:00 часот во „БАР Општина“, Битола, при што котизацијата за учество е 500 денари.

За најиздржливиот учесник што ќе го собори или постави новиот рекорд е обезбедена и награда.