Затната канализација на Младински бригади во Битола - канализациoниот приклучок се санира на сметка на станарите

На улица „Младински Бригади“ бр. 5 во Битола се вршат градежни активности за санација на канализационен приклучок, кои настаснаа како резултат на претходно затнување на мрежата, информира Јавното претпријатие КЈП „Нискоградба“ - Битола.

Поради непречено и безбедно одвивање на теренските работи, дел од пешачката патека на оваа локација привремено ќе биде затворен за минувачи.

За реализација на оваа интервенција се обезбедени сите потребни законски одобренија. Финансиските трошоци за санацијата се на товар на станарите од односниот влез, за што е веќе склучен соодветен договор со станбениот сервис кој управува со зградата, велат од јавното претпријатие.

КЈП „Нискоградба“ - Битола апелира до сите граѓани и минувачи на оваа делница за разбирање и почитување на привремената регулација на движењето до завршување на работните активности.