Техничкиот факултет – Битола одбележува 65 години од своето основање: децениска традиција на градење иднина преку знаење и технологија

Техничкиот факултет во Битола, една од стожерните единици во рамките на Универзитетот „Св. Климент Охридски“, одбележува значаен јубилеј – 65 години од своето основање.

Свечениот настан, проследен со богата уметничка програма, ќе се одржи во петок (16 октомври 2026 година) со почеток во 12:00 часот, во Амфитеатарот на Техничкиот факултет во Битола.

Реномирана високообразовна установа и мотор на индустрискиот развој

Со корени кои датираат од 1961 година, Техничкиот факултет – Битола веќе шест и пол децении претставува еден од главните столбови на високото образование, науката и инженерството во Македонија.

Факултетот е препознатлив по својот огромен придонес во образованието на стручен кадар. Низ децениите, овде се изградија илјадници дипломирани инженери, магистри и доктори на науки од областа на машинството, електротехниката, сообраќајот и транспортот, графичкото инженерство и индустриското менаџирање.

Оваа високо образовна установа има големо значење и за поддршката на индустријата и стопанството. Факултетот е клучен партнер на индустриските и енергетските капацитети во регионот и земјава, овозможувајќи стручен кадар, применувајќи истражувања и воведувајќи иновативни технолошки решенија.

Научно-истражувачката дејност има посебно место. Со современи лаборатории, учество во меѓународни и национални проекти и постојано вложување во модернизација, факултетот успешно ги следи современите европски и светски образовни трендови.

Оттука, овој значаен јубилеј ќе одбележи повеќедецениска традиција на градење иднина преку знаење и технологија.