Муралот пренесува моќни пораки, не ја пропуштајте можноста да го посетите кога сте во Битола - Австралиската амбасада со препорака за Битола

За време на посетата на Битола оваа недела, поминавме покрај муралот што Амбасадата на Австралија го нарача минатата година за да се одбележат 30 години од воспоставувањето дипломатски односи и силните врски со многубројната заедница на луѓе што се иселиле од Северна Македонија во Австралија. Тој сè уште пренесува моќни пораки; не пропуштајте ја можноста и самите да го видите кога ќе бидете во Битола. На ова уметничко дело ќе забележите симболи како што се фотографии од минатото, грозје и вино, Операта во Сиднеј и многу повеќе.

Ваква порака објави Австралиската амбасада за Србија, Северна Македонија и Црна Гора упатувајќи јавна препорака до сите посетители на градот да не ја пропуштат можноста да го видат муралот посветен на тридецениското пријателство меѓу двете земји.

Уметничкото дело, коешто беше изработено минатата година по нарачка на Амбасадата, симболизира 30 години од воспоставувањето на дипломатските односи, но и длабоките животни и културни врски со бројната македонска дијаспора во Австралија.

Оваа уметничка трага во Битола останува живо сведоштво за мостовите што ги поврзуваат двете заедници низ историјата, традицијата и современите културни врски.

Фотографии: Австралиска амбасада Фејсбук