Четири лица се лишени од слобода во Битола и Прилеп - полицијата кај нив во одделни случаи пронашла марихуана

Четири лица се лишени од слобода во Битола и Прилеп, откако полицијата кај нив во одделни случаи пронашла марихуана.

Како што информира Министерството за внатрешни работи, на 14 септември во 23 часот, на улицата „Смилево“ во Битола, полициски службеници од СВР Битола ги лишиле од слобода С.Т. (21) од Ресен и А.А. (19) и А.Ј. (23), двајцата од Битола. При преглед кај С.Т. била пронајдена марихуана, додека во нивна близина биле пронајдени уште три пакувања со марихуана.

Истиот ден во 23 часот, на улицата „Рампо Левката“ во Прилеп, полициски службеници од ОВР Прилеп го лишиле од слобода К.Т. (21) од селото Сенокос, прилепско. При преглед кај него била пронајдена марихуана.

Од МВР информираат дека по целосното документирање на двата настана ќе следуваат соодветни поднесоци.