Вака се слави роденден на 100 години – приказна која ги топли срцата: Среќен роденден, дедо Гоне!

Вековен јубилеј исполнет со многу мудрост, историја и топли муабети. Дедо Георге (Гоне) Појразов од струмичкото село Радово го прослави својот 100-ти роденден, опкружен со љубов и почит од своите најблиски, како еден од највозрасните и најценети жители во Општина Босилово, вели градоначалникот на општина Босилово, Ристо Манчев.

За дедо Гоне има безброј приказни за раскажување. Секоја негова зборка носи животно искуство и срдечност која го стоплува секој што ќе седне да поразговара со него.

Повод за ваков голем и редок роденден бараше и посебно изненадување. За славеникот да го започне новото столетие со насмевка, струмичката слаткарница „Канела“ создаде уникатна торта – вистинско слатко уметничко дело.

На тортата беше рачно изработена шеќерна фигура од дедо Гоне во неговиот автентичен дух: со омиленото столче, бастунчето, очилата, чашка во раката и препознатливата насмевка. Во центарот на тортата стоеше и најубавата порака: „100 години и уште не се предава!“.

Му посакуваме на дедо Гоне уште многу години добро здравје, ведрина и уште многу раскажани приказни!

Фотографии: Фејсбук