Автопатската делница меѓу Прилеп и Битола следната година би требало да ги добие првите 10 до 12 километри пуштени во двонасочен сообраќај

Очекувам в година веќе првите 10-12 километри од делницата Прилеп – Битола да бидат пуштени во двонасочен сообраќај, најави премиерот Христијан Мицкоски.

Во план е и изградба на обиколницата околу Битола, поврзување со граничниот премин Меџитлија, но и директно поврзување на експресниот пат со автопатската делница што се гради на Коридорот 10Д.

„Во рамки на рокот очекувам да биде завршена делницата Прилеп – Битола. Се планира обиколницата околу Битола и поврзување со граничниот премин Меџитлија и преговараме со изведувачот на работите на Коридорот 10Д и она што го имаме во план е да најдеме начин како да го поврземе местото кадешто завршува експресниот пат со автопатската делница којашто во моментот се гради. Во моментот тоа е наш приоритет“, рече премиерот Мицкоски.