Мерки за претпазливост за Виш јавен обвинител во Битола

Судија на претходна постапка при Основниот кривичен суд Скопје му определи мерки за претпазливост на П.В., виш јавен обвинител од Битола, осомничен за кривичното дело „Примање награда за противзаконито влијание“.

Од Кривичниот суд информираат дека одлуката е донесена по предлог на Основното јавно обвинителство за гонење на организиран криминал и корупција, откако осомничениот бил сослушан во присуство на неговиот бранител.

На П.В. му се определени одземање на патната исправа и забрана за преземање определени работни активности.

Против решението странките имаат право на жалба пред Кривичниот совет на Основниот кривичен суд Скопје.