Недостигот на храна ги мами мечките кон селата и градовите

Случајот со мечката која во изминатите денови беше топ тема во Битола, откако млада мечка се прошета низ градскиот парк и под Тумбе кафе, по што се појави уште на неколку локации низ градот, ги отвора дискусиите за причините зошто мечките слегуваат во близина на селата и градските средини.

Добрите познавачи велат дека карактеристично за оваа сезона е што голем дел од овошните плодови во повисоките предели не го даваат вообичаениот род, па поради недостиг на природна храна, мечките се гладни и се принудени да слегуваат многу ниско во потрага по егзистенција.

Како една од мерките со цел да се спречи мечките да доајѓаат во руралните и урбаните средини се предлага поставувајње на хранилки така што мечките ќе дојдат до храна во својата природа средина и нема да слегуваат во градовите и селата каде што потенцијално претставуваат закана за населението.

Последен пат деновиве мечка во нашиот регион е забележана на полињата околу пелагониското село Драгарино.

Група од четворица жители на ова пелагониско село извршувајќи ги своите редовни земјоделски активности ја забележале мечката за која претпоставуваат дека е млада. „Додека садевме пипер се појави на 10 метри од нас.“ Ова е првпат долку блиску, на 10 метри од себе да забележи мечка или било кое друго диво животно. Вели, другпат забележувале траги од мечки, дури и поголеми од трагите што ги остави оваа, но немале ваков вид на директна средба.

Поради појавата на мечка на повеќе локации во битолско, прилепско и Преспа логично се претпоставува дека станува збор за повеќе мечки.