За првпат НП Пелистер добива директна поддршка од АФПЗРР - важен поттик за заштитата и унапредувањето на природните вредности и биодиверзитетот

Директорката на Агенцијата за финансиска поддршка во земјоделството и руралниот развој, Даниела Иротова Лазарева, со директорот на ЈУ НП Пелистер Иванчо Тошевски, го потпишаа договорот со кој се уредуваат меѓусебните права и обврски, во врска со обезбедувањето и користењето на финансиски средства за реализација на активности и инвестиции од значење за заштитата, управувањето, унапредувањето и одржливиот развој на Националниот парк „Пелистер“.

Согласно важечките прописи, Програмата за заштита на природата, Планот за управување со НП „Пелистер“, годишните програми на ЈУ НП „Пелистер“ и расположливите средства во Буџетот на Република Северна Македонија, финансиските средства ќе се користат исклучиво за:

- заштита и унапредување на природните вредности и биодиверзитетот;

- мониторинг на видови и живеалишта;

превенција и заштита од шумски пожари;

одржување и унапредување на зелената инфраструктура;

- уредување и одржување на патеки и пристапни инфраструктурни објекти;

еколошка едукација и подигнување на јавната свест;

- развој и унапредување на еко-туризмот;

набавка на опрема неопходна за вршење на дејноста;

- санација и реконструкција на објекти предвидени со плановите и програмите на ЈУ НП „Пелистер“;

- други активности од значење за заштитата и одржливото управување со Националниот парк.

Оваа поддршка доаѓа во клучен момент и е основа за отпочнување со реализација на крупни проекти кои ќе трасираат еден сосема нов правец во развојот на НП Пелистер, велат од Националниот парк.