Пелистер како врвна сафари дестинација: Се поголем број туристи заинтересирани за планинска адреналинска авантура

Националниот парк Пелистер, еден од најстарите и најживописните паркови на Балканот, сè повеќе се етаблира како атрактивна дестинација за алтернативен и адреналински туризам. Наместо класичното планинарење, новата хит понуда која привлекува домашни и странски туристи е возбудливата Jeep Safari тура, која нуди поинаков, подинамичен поглед на природните убавини на оваа македонска планинска убавица.

Врвот на оваа авантура е посетата на глацијалните езера – Големото и Малото Езеро, во јавноста познати како мистичните „Пелистерски Очи“. Создадени пред илјадници години од ледниците, овие две езера претставуваат вистински хидролошки и естетски бисер на Баба Планина, сместени во суров, но фасцинантен планински амбиент.

Патување низ дивата убавина и панорамски видиковци

Сафари турата е внимателно осмислена да ги однесе посетителите низ едни од највпечатливите природни предели во Македонија. Теренските возила совладуваат патеки кои нудат вистинско адреналинско доживување, но истовремено се безбедни и прилагодени за сите оние кои сакаат да ја почувствуваат дивата убавина на планината без долготрајно пешачење.

За време на возењето, предвидени се неколку застанувања на панорамски видиковци кои го одземаат здивот. Туристите имаат ретка можност да уживаат во чистиот и свеж планински воздух, карактеристичен за пределите со автохтониот петтоигличен бор – молика, да фотографираат незаборавни пејзажи кои се протегаат со километри наоколу и буквално да ја „вдишат“ слободата што ја нуди Пелистер.

Традиционален ручек на 2.218 метри надморска височина

Она што ја прави оваа тура комплетна и автентична е нејзиното гастрономско финале. По возбудливото возење и прошетката покрај езерата, денот се заокружува со традиционален домашен ручек на дури 2.218 метри надморска височина.

Во непосредна близина на Големото Езеро, во срцето на планината, автентичните локални вкусови и специјалитети совршено се вклопуваат со величествената и сурова планинска атмосфера. Овој спој на адреналин, недопрена природа и традиционална македонска гостопримливост остава траен белег кај секој посетител.

Интересот за сафари турите на Пелистер е во постојан пораст, особено во текот на летните и есенските месеци. Организаторите ветуваат професионално водство, максимална безбедност и искуство кое долго се памети. Сите заинтересирани авантуристи кои сакаат да ја доживеат магијата на Пелистер од една поинаква перспектива, можат да добијат детални информации и да го резервираат своето место на телефонскиот број: 075 458 782. Пелистер ве повикува на авантура, велат организаторите на сафари турите.

Фотграфии: Canyoning & Jeep Safari - Macedonia