Пожар избувна на границата со Националниот парк Пелистер од страна на Преспа - огнот навлезе во Националниот парк

Некаде пред 15 часот во близина на границите на Националниот парк Пелистер од преспанска страна избувнат е пожар. Во моментов пожарот е навлезен и во Националниот парк помеѓу подножјето на врв Вртушка и врв Малачука, соопштија предмалку од Националниот парк Пелистер.

Екипи на НП Пелистер во соработка со екипи на територијалната противпожарна единица Ресен и Битола делуваат на терен со цел на локализирање на пожарот.

Механизација од јавните претпријатија од Битола веќе е упатена кон локацијата на пожарот со цел да даде поддршка за локализирање на пожарот.