Пожарникарите доброволци денес во битка со пожарите во Крушево

Борбата со пожарот на територијата на Општина Крушево продолжува и денес.

Тимот за брз одговор – ТБО на ДПД „АРХАНГЕЛ“ – Битола повторно е на терен, рамо до рамо со пожарникарите и останатите сили вклучени во справувањето со пожарот.

По вчерашните активности, денес продолжуваме таму каде што е најпотребно – со гаснење на активните жаришта, контрола на пожарните линии и спречување на повторно разгорување и ширење на огнот, велат доброволните пожарникари.

Ова не е само борба со огнот. Ова е борба за шумите, природата, имотот и безбедноста на луѓето. Во вакви моменти нема „ваша“ и „наша“ општина. Има една задача – да помогнеме таму каде што сме потребни, порачаа тие.