Времен прекин на железничкиот сообраќај од Скопје кон Битола

Од утре (понеделник, 22 јуни) па сè до 1 јули 2026 година, привремено ќе биде прекинат сообраќајот на дел од патничките возови во земјава кои сообраќаат од Скопје во правец кон Велес, Гевгелија и Битола.

Како што соопштија од ЈП „Македонски железници – Инфраструктура“, причина за прекинот се завршните градежни работи за потребите на проектот „Градски воз“, кои ќе се изведуваат на пругата Скопје – Велес, поточно на делницата од станицата Скопје до станицата Зелениково.

Според информациите од претпријатието, во овој десетдневен период нема да сообраќаат следниве патнички возови:

Скопје – Гевгелија – Скопје:возовите со број 611 (во 6:20 часот) и 631 (во 16:55 часот), како и возовите во спротивен правец Гевгелија – Скопје со број 630 (во 4:30 часот) и 632 (во 17:02 часот).

Скопје – Битола – Скопје:возовите со број 641 (во 7:06 часот) и 645 (во 20:05 часот), како и повратните од Битола за Скопје со број 640 (во 3:10 часот) и 644 (во 18:22 часот).

Битола – Велес – Битола: возот број 642 (од Битола во 12:46 часот) и возот број 643 (од Велес во 15:25 часот).

Скопје – Велес – Скопје:вечерниот воз број 2083 (од Скопје во 22:40 часот) и утринскиот воз број 600 (од Велес во 5:00 часот).

Патниците кои редовно ги користат овие железнички линии се повикуваат да ги прилагодат своите патувања и да користат алтернативен превоз во наведениот период, додека траат инфраструктурните зафати на терен.