Шпанија со нови планови за развој и заштита на биодиверзитетот во Охрид и Преспа

Единствениот македонски остров на Преспанското Езеро, мистериозниот и природен феномен Голем Град, неодамна беше дестинација на важна дипломатска посета. Во улога на домаќин, Јавната установа Националнот парк „Галичица“ имаше чест да го пречека Неговата Екселенција, амбасадорот на Кралството Шпанија, Рафаел Сориано.

Посетата, која помина во знак на воодушевување од недопрената природа, беше одлична можност шпанскиот дипломат од прва рака да се запознае со биодиверзитетот, но и со богатото културно-историско наследство кое го крие овој уникатен регион.

Природните богатства како мост за соработка

Претставниците на НП „Галичица“ на високиот гостин му ги презентираа клучните вредности на паркот, како и секојдневните напори, проекти и активности кои установата ги презема за заштита на овој еколошки бисер.

Разговорите се надоврзаа на веќе цврстите темели поставени пред три години, кога Амбасадата на Шпанија донираше специјализирана опрема за потребите на паркот, со што директно ги унапреди теренските капацитети на ЈУНП „Галичица“. Двете страни изразија силно задоволство од досегашната координација, но и јасен став дека простор за напредок има уште повеќе.

За време на средбата, претставниците на националниот парк ги презентираа тековните активности за заштита, но и предизвиците со кои се соочуваат, што отвори дискусија за нови, конкретни домени на соработка.

„Оваа посета е само уште еден доказ за цврстото пријателство и веќе воспоставената успешна соработка со Амбасадата на Кралството Шпанија,“ истакнуваат од ЈУНП Галичица.

Врската меѓу Шпанија и Галичица не е нова. Пред точно три години, шпанскиот оддел донираше вредна опрема наменета за потребите на паркот, што значително придонесе за унапредување на капацитетите на теренските служби и подобра заштита на шумите и езерата.

Нови иницијативи на хоризонтот

На средбата беше изразено огромно задоволство од досегашните заеднички резултати, но фокусот веднаш беше насочен кон иднината. Двете страни се усогласија дека соработката мора да се продлабочи. Во план се нови заеднички иницијативи во областа на заштитата на природата, размена на искуства за менаџирање со заштитени подрачја имајќи во предвид дека Шпанија е позната по своите врвни национални паркови), како и промоција на природното и културното наследство на Галичица пред европската јавност.

Голем Град и Галичица уште еднаш докажаа дека природата говори на сите јазици и ги спојува културите.