Битола домаќин на спортски настани во рамките на Европската недела на спортот - турнир во футсал и есенски крос

Во наредните два дена во Битола ќе се одржат два спортски настани во рамките на Европската недела на спортот од 23 до 30 септември.

Утре ( среда ) 23 септември 2026 година со почеток во 10:00 часот ќе се одржи турнир во футсал на стадионот со вештачка трева „Петар Упалевски-Упале“, а промотори се фудбалери и фудбалерски од ФК и ЖФК „Пелистер“.

В четврток на 24 септември 2026 година во градскиот парк во Битола ќе се организира есенски крос со ученици од основните и средните училишта од Битола со почеток во 10:00 часот.

Европската недела на спортот е иницијатива на Европската комисија со цел да ја поттикне физичката активност, рекреацијата и здравиот начин на живот кај граѓаните од сите возрасти.

Организацијата на спортските настани по овој повод е на Министерството за спорт со поддршка на Општина Битола, а кофинансиран од Европската унија.