Младата репрезентација на Македонија го пречекува тимот на Црна Гора на стадионот „Петар Милошевски“ во Битола

На 1 октомври (четврток), со почеток од 18:00 часот, на стадионот „Петар Милошевски“ во Битола ќе се одигра фудбалски натпревар помеѓу младите репрезентации на Македонија и Црна Гора.

Овој спортски дуел е одлична можност љубителите на фудбалот од Пелагонискиот регион и пошироко да ги видат на дело идните фудбалски ѕвезди и да придонесат за добра спортска атмосфера од трибините.

По тој повод, од Општина Битола исто така упатија апел за поддршка до граѓаните, повикувајќи ги навивачите со масовно присуство да им дадат дополнителен „ветер во грб“ на македонските репрезентативци за време на натпреварот.