Битолчанецот Христијан Илиовски со двојна победа на државниот шампионат во Мотокрос во Скопје-Орман

Македонскиот мотоциклист Христијан Илиовски извојува уште еден голем успех во својата кариера, освојувајќи ги првите места (P1) во двете трки од Државниот шампионат во мотокрос, одржан на патеката Орман крај Скопје.

Илиовски покажа врвна подготовка и перфектно управување на патеката, со што уште еднаш ги потврди своите шампионски амбиции и шампионскиот статус во македонскиот мото-спорт.

По завршувањето на трките и победничкиот подиум, Илиовски изрази благодарност до својот матичен клуб, спонзорите, како и до семејството и бројните фанови кои неуморно го поддржуваат на секој натпревар.