Калин Ивановски го освои трофејот на „Македонија опен“

Македонскиот тенисер Калин Ивановски со освојување на победничкиот пехар го заврши настапот на овогодишниот турнир Macedonian Open, откако попладнево во финалето во Скопје го совлада Владислав Орлов од Украина со 2-1 во сетови (6-1, 0-6, 6-2) за 2 часа и 30 минути.

Ивановски на тој начин ја продолжи серијата победи по повредата на крајот од 2023 и сега има 13 победи и само еден пораз – две учества во финале на турнири од М25 серијата и четири победи за Дејвис куп репрезентацијата на Македонија.

Ова е уште еден значаен успех за македонскиот тенис, откако ден претходно титулата во конкуренција на двојки ја освоија Обрад Марковски и Горзад Србљак.