Вимблдон не простува: Новак Ѓоковиќ казнет поради пцуење на теренот

Седумкратниот шампион на Вимблдон, Новак Ѓоковиќ, заработи парична казна од 5.600 фунти поради однесувањето за време на гранслем турнирот во Лондон, потврдија организаторите.

Раководството на Вимблдон го објави најновиот список на санкционирани тенисери во вторникот навечер, додека српскиот ас го играше својот меч против Феликс Оже-Алијасим. Казната за Ѓоковиќ официјално се води под прекршокот „гласна вулгарност“.

Иако организаторите не прецизираа кој конкретен момент ја предизвика казната, британските медиуми претпоставуваат дека инцидентот се случил за време на неговиот дуел против Роман Сафиулин во четвртото коло.

На тој натпревар, 39-годишниот тенисер доби формална опомена од судијата на столот откако бурно реагираше по претрпениот брејк на почетокот на третиот сет.

Ѓоковиќ во еден момент гласно извика „с---је“ и упати низа други пцовки на својот мајчин јазик, што не помина незабележано кај супервизорите на турнирот кои имаат нулта толеранција за вакво однесување.

Ова не е првпат емотивните реакции на српскиот тенисер на терените на Ол Ингланд Клубот да бидат санкционирани, со оглед на строгата традиција и кодекс на однесување кои ги налага престижниот лондонски турнир.