КК Пелистер започна со подготовките за новата сезона

Кошаркарскиот клуб Пелистер официјално ги започна подготовките за новата натпреварувачка сезона 2026/27.

Клубот влегува во овој циклус со целосно нова структура и визија за развој на тимот.

Екипата оваа сезона ја предводи Тане Спасев, кој потпиша едногодишен договор. Негов асистент ќе биде Владимир Николовски, со што се обезбедува континуитет во работата со кошаркарите.

Екипата ќе се подготвува со домашни спаринг партнери, а ќе настапи и на Меморијалниот турнир „Зоран Петковски-Петкото„ на 16 и 17 септември во спортската сала „Боро Чурлевски“ во Битола.