КК Пелистер го комплетира стручниот штаб за новата сезона — Владимир Николовски останува асистент

Кошаркарскиот клуб Пелистер од Битола продолжува со засилување и дефинирање на тимот за претстојната сезона 2026/27. По назначувањето на Тане Спасев за главен тренер, клубот ја потврди стратегијата за поддршка на младите и мотивирани македонски стручњаци со продолжување на соработката со Владимир Николовски.

Николовски, кој веќе неколку години е важен дел од стручниот штаб на битолчани и има акумулирано драгоцено искуство работејќи со повеќе тренери, го потпиша новиот договор и ќе му биде прв асистент на Спасев.

Со овој потег, КК Пелистер обезбедува континуитет во работата и јасно ја испраќа пораката дека во новата сезона влегува со домашна тренерска енергија, јасна визија и високи амбиции.