Погодоците на стрелците Митковски и Фејзулаху му донесоа победа на зелено-белите над минатогодишниот шампион на Скопскиот регион

Момците на Стојановски триумфално во Куманово – совладан минатогодишниот шампион на Скопскиот регион, соопшти Младинската школа на ФК Пелистер.

После ремито во Скопје во првото коло, денес нашата генерација 2012, предводена од тренерот Стојановски, ја запиша и првата победа во Скопската регионална лига. Нашите момци славеа со 0:2 на гостувањето во Куманово против минатогодишниот шампион на Скопскиот регион, екипа која минатата сезона стигна до шампионската титула без ниту еден пораз, велат од таму.

Стрелци на погодоците за зелено-белите беа Берат Фејзулаху во 19. минута и Виктор Митковски во 55. минута.

Одличен почеток на новиот предизвик за момците на Стојановски, четири бода од првите две гостувања во Скопската регионална лига.