Спортската манифестација „Че трчаме“ денеска ги исполни прилепските улици со позитивна енергија, насмевки и спортски дух

Со над 1.100 учесници, успешно се одржа уште едно издание на спортската манифестација „Че трчаме“, која денеска ги исполни прилепските улици со позитивна енергија, насмевки и спортски дух.

Градоначалникот на Општина Прилеп, Дејан Проданоски, истакна дека настанот претставува вистински празник на спортот и упати искрени честитки до организаторите, волонтерите, спонзорите и сите институции кои придонесоа за одличната реализација.

Тој особено го истакна масовното учество на најмладите, посочувајќи дека преку вакви иницијативи се градат позитивни вредности кај новите генерации.

„Особено ме радува големиот број деца и млади кои преку ваквите настани ги прифаќаат здравите навики, ја градат љубовта кон спортот и учат дека најважни се учеството, истрајноста и заедништвото“, порача Проданоски.