ЖФК Пелистер со отворен повик – Сега и девојките имаат можност да станат дел од зелено-белото семејство!

Женскиот фудбалски клуб Пелистер започнува со изградба на нова, силна база на млади фудбалерки и објави отворен повик за упис на нови членови во својата младинска школа. Повикот е наменет за сите девојчиња родени во 2010, 2011 и 2012 година од Битола и регионот кои сакаат да станат дел од „зелено-белото“ семејство.

Со овој чекор, ЖФК Пелистер им овозможува на младите спортистки да тренираат во професионална средина, без разлика дали ги прават своите први фудбалски чекори или сакаат дополнително да го усовршат својот спортски развој.

Главната цел на проширувањето на младинската школа е создавање стабилен кадар кој низ правилен тренажен процес ќе напредува во младинските категории, со крајна цел во иднина овие девојчиња да го облечат дресот на првиот, сениорски тим на ЖФК Пелистер.

Тренинзите и сите активности ќе се одвиваат на стадионот „Павел Шатев“ во Битола, а сите заинтересирани родители и девојчиња за упис и дополнителни информации можат да се обратат каро лицето за контакт, Јован Алексовски, на телефонскиот број 079 275 633. Уписите се официјално во тек, соопштија од клубот.