РК Еурофарм Пелистер 2 го игра првиот домашен натпревар во Суперлигата против Алкалоид

Спортската сала „Боро Чурлевски“ во Битола оваа сабота ќе биде домаќин на првиот домашен натпревар за екипата на РК Еурофарм Пелистер 2 во рамките на новата сезона од македонската Суперлига.

Младите битолски ракометари пред домашната публика ќе ги одмерат силите со екипата на РК Алкалоид. Овој дуел ги носи и првите суперлигашки минути на домашен терен за голем дел од младите играчи кои произлегоа од ракометната школа на клубот.

Натпреварот е закажан за сабота (12 септември), со почеток во 19:00 часот.