25 милијарди евра - толку е штатата за бизнис секторот од војната на Блискиот Исток

Војната меѓу САД и Израел со Иран веќе ги чинеше компаниите низ светот најмалку 25 милијарди долари, а продолжувањето на конфликтот дополнително ги зголемува загубите.

Анализата на објавените податоци на компаниите, направена од агенциите, покажува дека тие се борат со растечките цени на енергијата и нарушените синџири на снабдување и трговските патишта загрозени од застојот во Ормускиот теснец во Иран.

Најмалку 279 компании ја наведоа војната како повод за активности за ублажување на финансискиот шок, вклучително и зголемување на цените и намалување на производството.

Други ги суспендираа исплатите на дивиденди или откупот на акции, отпуштија вработени, воведоа дополнителни даноци на гориво или побараа итна владина помош.

Една петтина од компаниите во анкетата, од производители на козметика, гуми и детергенти, до оператори на крстосувачки бродови и авиокомпании, пријавија финансиски удар од војната.

Повеќето од нив се со седиште во Европа, каде што трошоците за енергија беа високи, додека речиси една третина се од Азија, што ја одразува длабоката зависност на тие региони од нафтата и другите горивни деривати од Блискиот Исток.

Дополнително, до октомври минатата година, стотици компании пријавија повеќе од 35 милијарди долари трошоци поради царините на американскиот претседател Доналд Трамп од 2025 година, кои тој ги воведе во различни пропорции на земјите низ целиот свет.

Авиокомпаниите сочинуваат најголем дел од трошоците поврзани со војната. Тие претставуваат речиси 15 милијарди долари, додека цените на горивото за авиони речиси двојно се зголемија.