Грците со драстични мерки - поставени првите мрежи за заштита од отровните зајачки риби кои климатските промени ги донесоа во Медитеранот

Ако летово се спремате за одмор во соседна Грција, бидете исклучително внимателни кога се капете. Грчките власти започнаа со поставување на специјални подводни бариери во Евејскиот Залив (Gulf of Euboea) со цел да ги заштитат плажите од наездата на токсичната риба-балон (Lagocephalus sceleratus).

Ова е првпат Грција да преземе вакви драстични мерки на плажите поради инвазивен морски вид.

Што се случува на грчкото крајбрежје?

Властите во градот Халкида минатиот месец веќе инсталираа заштитни мрежи во должина од 2,5 километри, а најавено е дека во следните недели ќе пристигнат дополнителни 7 километри бариери за да се осигураат капалиштата во овој регион.

„Наша должност и примарна грижа мора да биде безбедноста на нашите граѓани и посетители“, изјави заменик-градоначалникот Антонис Спанос.

Зошто оваа риба е толку опасна?

Рибата-балон во себе го носи содржи тетродотоксин – моќен невротоксин за кој не постои антидот. Рибата има исклучително силна вилица, односно има специфична вилица налик на клун која е толку силна што може да прегризе коска или метал. Поради затоплувањето на морските води, овој инвазивен вид масовно навлезе во Медитеранот преку Суецкиот Канал.

Совети за македонските туристи:

Не ја допирајте: Доколку забележите ваква риба во плитките води или налетате на неа додека рибарите, во никој случај не ја допирајте со голи раце.

Никако не ја консумирајте: Нејзиното месо е крајно токсично и фатално по човечкиот живот доколку се изеде.

Почитувајте ги мрежите: Капете се исклучиво во зоните кои се обезбедени со заштитни бариери и следете ги предупредувањата на локалните спасувачи.