Птиците-преселници исчезнуваат со алармантна брзина, покажува новиот извештај на Брдлајф Интернешенал

Македонското еколошко друштво (МЕД) алармира за загрижувачкиот пад на популациите на птиците-преселници, повод за што е објавувањето на најновото издание на глобалниот извештај „Состојбата со птиците во светот“ (State of the Worlds Birds). Документот беше официјално претставен на Глобалниот самит за преселни патишта одржан во Најроби.

Птиците-преселници не се само фасцинантни поради нивните долги патувања, туку имаат и клучна улога како природни показатели за здравјето на животната средина и природните системи.

„Преселните птици се чувари на состојбата на природата, а нивното опаѓање укажува на зголемениот притисок врз природните системи од кои зависиме. Но, науката исто така јасно покажува дека заштитата функционира – координираните активности можат да спречат исчезнувања и да го помогнат обновувањето на популациите. Решенија постојат: она што сега е потребно е да се применат долж целиот миграторен пат“, вели д-р Стјуарт Бучарт, главен научник во „Брдлајф Интернешенал“ и главен уредник на извештајот „Состојбата со птиците во светот“.

Целиот извештај може да се погледне на: sowb.birdlife.org

Фотографија: Pixabay