Се погласни европските барања за вистинска заштита на децата во дигиталниот простор

Франција бара ригорозни европски правила за заштита на најмладите на интернет.

Претседателот Емануел Макрон упати официјално писмо до првата жена на Европската комисија, Урсула фон дер Лајен, со барање за креирање нов закон на ниво на целата Европска Унија со кој целосно ќе им се оневозможи пристапот до социјалните мрежи на сите лица помлади од 15 години.

Според Макрон, сегашната регулатива е застарена и недоволно ефикасна, поради што е потребна единствена законска рамка што задолжително ќе важи за сите 27 земји-членки.

Во своето обраќање тој подвлече дека институциите на ЕУ мора итно да ги мобилизираат своите ресурси и експертиза за да овозможат вистинска заштита на децата во дигиталниот простор.

Фото илустрација: АИ