Мега-проект во Истанбул: Турција ја пушти во употреба најдолгата и најбрза метро-линија

Турција официјално ја пушти во употреба својата најдолга и најбрза метро-линија, импресивен инфраструктурен проект со вкупна должина од 69 километри.

Оваа линија претставува клучна сообраќајна артерија која драстично ќе го намали времето на патување и ќе понуди брза, ефикасна и еколошка алтернатива за милиони патници.

Новата метро-линија има рекордна должина, со ссвоите 69 километри, ова е најдолгата континуирана метро-линија во земјата.

Возовите на оваа линија се дизајнирани да се движат со брзина до 120 км/ч, што ја прави убедливо најбрзата подземна железница во Турција.

Главната цел на овој мега-проект е брзо и директно поврзување на клучните градски центри и станбени зони со Меѓународниот Аеродром Истанбул.

Пред пуштањето на оваа линија, патувањето до аеродромот често зависеше од густиот сообраќај и метежот по патиштата. Сега, со новата високобрзинска линија, времето на патување е скратено на минимум.

Наместо со часови заглавени во сообраќаен колапс, граѓаните и туристите сега можат да стигнат од центарот на градот до аеродромот за само триесетина минути.

Овој проект е дел од пошироката стратегија на Турција за модернизација на јавниот превоз и намалување на емисијата на штетни гасови преку поттикнување на користењето на шинскиот транспорт. На свеченото отворање беше истакнато дека возовите се опремени со најсовремена технологија за автономно управување (без возач) и ги исполнуваат највисоките безбедносни стандарди во светот.