Преспа добива интегриран систем од 188 километри велосипедски и планински патеки

Преспа добива интегриран систем од 188 километри велосипедски и планински патеки за развој на одржлив туризам.

Од брегот на езерото до планинските предели, од скриените патеки до погледите што оставаат без зборови — Преспанскиот регион со нов целосен туристички пакет.

Уредени рути, нова сигнализација, видиковци, летниковци и места за одмор.

Велосипедските рути ги поврзуваат Коњско, Стење, Ресен и селата на западниот брег на Преспанското Езеро, како и населените места во јужниот дел на регионот, сè до Маркова Нога кај Долно Дупени.

Пешачките патеки ќе бидат обележани согласно правилата за планински патеки, патокази и локациски табли, додека по должината на велосипедските рути ќе се постават велосипедски маркери и патокази. На почетните точки на пешачките патеки и на трите главни делници на велосипедската мрежа ќе бидат поставени големи информативни табли, а на крајните точки и на други стратешки локации ќе има помали табли со туристичка карта и информации за патеките.

Со инвестиции во одржлива туристичка инфраструктура, се создаваат услови природното и културното богатство на Преспа да се претворат во нови можности за локалниот развој. Оваа мрежа на патеки е важен чекор кон активниот туризам, поголема поддршка за локалните бизниси и зачувување на природните вредности на регионот.

Активноста се реализира во рамки на програмата ЕУ за Преспа, финансирана од Делегацијата на ЕУ во Македонија имплементирана од УНДП во партнерство со национални и локални партнери.