Само две вечери не делат од музичко визуелниот спектакл на Андријана Арлен - „Сребрена ноќ“ доајѓа во Битола

Само две вечери не делат од „Сребрена ноќ“ во Битола, како дел од ексклузивната турнеја на музичката звезда Андријана Арлен. Се работи за врвен сценски настап каде класичната, филмската и современата музика се спојуваат во 90-минутен аудиовизуелен спектакл.

Битолската публика на 12 ноември 2026 година ќе има можност да биде дел од ексклузивно музичко-сценско искуство. Во Големата сала на НУ Центар за култура – Битола, со почеток во 20:00 часот, ќе се одржи премиум концертната вечер „Silver Night“ на познатата шведска пијанистка и композиторка Андријана Арлен.

Концертот е дел од нејзината светска турнеја „Live Tour 2026“ и претставува 90-минутно аудиовизуелно патување во кое класичното пијано се спојува со современ звук, уметничко осветлување и кинематографски визуелни ефекти.

На сцената во Битола, покрај Андријана Арлен на пијано, ќе настапат и голем број домашни изведувачи и гости кои ќе придонесат за збогатување на овој перформанс:

Битолскиот камерен оркестар (DIVA)

Балетското студио „Анабела“

Љупчо (Saxman)

Дарко Тодоровски (вокал)

DJ Zorbital

Билети преку е-Тикет

Турнејата е во организација и продукција на Инфера Студио.



Арлен е шведска уметница препознатлива на светската „classical crossover“ сцена. Својата посветеност кон музиката ја започнува на 12 години, изучувајќи ги делата на мајсторите како Бах, Бетовен и Шопен. По магистрирањето на престижната Музичка академија во Шведска, настапува како солистка во Шведска, Данска, Италија, Србија и Бугарија.Во 2021 година е добитничка на две значајни музички награди, а зад себе ги има и популарните изданија Chasing Dreams, Soul of Tears, Christmas Piano Stories и Meet Me on Christmas.

Фотографии: Инфера Студио